Valdis arbeiðir í frítíðarskúlan á Sandi. Hon arbeiðir týsdag og hósdag 1-2 tímar. Arbeiðsuppgávan er at tøma uppvaskimaskinina og seta í hana aftur. Eisini er hon viðhvørt saman við børnunum og perlar og spælir við tey. Børnini eru sera góð við Valdis, og tey koma rennandi til hennara, tá hon kemur til arbeiðis. Arbeiðsdagarnir hjá henni enda við einum drekkamunni saman við starvsfeløgum. Valdis er sera arbeiðssom og álítandi, og hon er avbera glað fyri sítt arbeiði.